"Бавария" Альфонсо Дэвисдан келажаги борасида аниқ маълумот талаб қилмоқда.
Канадалик ҳимоячи апрель ойи бошига қадар клуб билан шартномасини узайтириши ёки келаётган ёзда кетиш истагини билдириши керак.
Мадриднинг “Реал” клуби 23 ёшли футболчини сотиб олишга тайёр. Мадридликлар унинг учун 50 миллион евро тўлашга рози бўлишди.
Дэвиснинг "Бавария" билан шартномаси 2025 йилда якунига етади.
Унинг бозор қиймати 70 миллион еврони ташкил қилади.
Жорий мавсумда чап қанот ҳимоячиси 31 учрашувда 1 та гол урди ва 3 та голли узатмани амалга оширди.
