"Барселона" ёзги трансфер ойнасида "Эвертон"дан ярим ҳимоячи Амаду Онанани сотиб олишга умид қилмоқда.
Бироқ каталонияликлар 60 миллион евро сарфлашга қурби етмайди. 22 ёшли бельгиялик тахминан шу суммага баҳоланмоқда.
Агар “Эвертон” кутилмаганда Премьер-лигадан тушиб кетса, Онананинг нархи тушиб кетади, аммо “Барселона” уни қўлга киритишда барибир қийналади. Вазиятни инобатга олган ҳолда, каталонияликлар ўз режасини ишлаб чиқишди. Улар ўз футболчиларини келишувга қўшишмоқчи.
Sport.es нашри хабарига кўра, клуб Клеман Лангле, Сержиньо Дест, Ансу Фати ва Фермин Лопес каби футболчиларни таклиф қилиши мумкин.
