"Барселона" марказий ҳимоячиси Пау Кубарси Испания терма жамоасида дебют қилди.
17 ёшли футболчи Колумбияга қарши ўртоқлик учрашувининг 83-дақиқасида Эймерик Лапорт ўрнига майдонга тушди. Misterchip хабарига кўра, Кубарси Испания терма жамоаси тарихидаги иккинчи энг ёш дебютантга айланди (17 ёшу 60 кун). У биринчи марта 17 ёшу 62 кунлигида “Қизил фурия” сафида ўйнаган жамоадоши Гавини ортда қолдирди. Рекордчи "Барселона"нинг яна бир амалдаги футболчиси бўлиб қолмоқда - Ламин Ямал (16 ёшу 57 кун).
Жорий мавсумда Пау Кубарси Каталония грандининг асосий таркибида 13 ўйин ўтказиб, битта голли узатмани амалга оширди.
