"Атлетико" Жоау Феликсни сотмоқчи ва унинг нархини 80 миллион евро қилиб белгилаган.
AS хабарига кўра, "матрасчилар" раҳбарияти португалияликни ўз жамоасида кўришни истамаяпти ва 80 миллион евролик таклифларни кўриб чиқишга тайёр.
Футболчининг ўзи ҳам "Атлетико"га Диего Симеоне мураббийлик қилса, у қайтмаслигини ҳам тушунади.
Феликс бу мавсумда ижара асосида ўйнаётган "Барселона" тўлиқ трансферни амалга ошира олмайди. Каталония клуби ижара муддатини яна бир мавсумга узайтиришни таклиф қилмоқда.
"Атлетико" учун устувор вазифа ўйинчини сотиш бўлиб қолмоқда ва "Барселона"га ижарага бериш охирги ўринда туради.
Жоау Феликс 2019 йилда 127 миллион евро эвазига "Бенфика"дан "Атлетико"га ўтган эди. 24 ёшли португалияликнинг Мадрид клуби билан шартномаси 2029 йилнинг ёзига қадар мўлжалланган.
Жорий мавсумда Феликс “Барселона” сафида 34 та расмий ўйинда майдонга тушиб, 9 та гол ва 5 та голли узатмага муаллифлик қилган.
