Учта клуб Виктор Осимхен учун катта сумма тўлашга тайёр.
Football Italia Il Mattinoга таяниб хабар беришича, "Челси", "Арсенал" ва "ПСЖ" нигериялик ҳужумчининг трансфери учун "Наполи"га 90 миллион евро таклиф қилишга тайёр.
Осимхеннинг шартномасида товон пули кўрсатилган - 120-130 миллион евро. Неапол клуби президенти Аурелио Де Лаурентис футболчини кетишга қарор қилганини ҳисобга олсак, уни бироз арзонроққа сотиши мумкин.
Қайд этилишича, форварднинг ўзи А Сериядан чарчаган.
А Сериянинг жорий мавсумида Осимхен 17 та ўйинда майдонга тушиб, 11 та гол ва 3 та голли узатмани амалга оширди.
