"Манчестер Юнайтед" келаси ёзда марказий ҳимоячи позициясини мустаҳкамлаш ниятида ва шу мақсадда "Ювентус" билан Бремернинг трансгери устида музокара жараёнини фаоллаштирди. Бу ҳақда Calciomercato хабар бермоқда.
Манба берган хабарга кўра, "қизил иблислар" раҳбарияти бразилиялик ҳимоячини қўлга киритиш учун курашда жиддий рақобатга тўғри келишини англаб етган ва шу боис "Ювентус" билан музокараларни тезроқ кучайтиришга қарор қилган. Бремерга "Манчестер Юнайтед"дан ташқари "Челси", "Ливерпуль" ва "Тоттенхэм" ҳам қизиқиш билдирмоқда.
Жорий мавсумда Бремер барча турнирларда 29 та ўйинда иштирок этиб, иккита гол урган. Футболчининг клуб билан амалдаги меҳнат шартномаси 2028 йилнинг ёзига қадар амал қилади.
