"Реал Мадрид" "Бавария" ҳимоячиси Альфонсо Дэвисни ўз сафига қўшиб олишга жиддий қизиқиш билдирмоқда, аммо канадалик футболчининг трансфери учун ортиқча пул тўламоқчи эмас.
El Chiringuito телеканали хабарига кўра, "қироллик" клуби раҳбарияти канадалик латерал учун 20-25 миллион евро таклиф қилишга тайёр.
Футболчининг шартномаси 2025 йилнинг ўрталарига қадар мўлжалланган. "Бавария" ўз навбатида Альфонсони сотишдан 50 миллион еврога яқин даромад олишга умид қилмоқда. Дэвиснинг ўзи "Реал Мадрид"га ўтишни истайди ва Мюнхенда янги шартнома тузишдан бош тортди.
