"Барселона" молиявий аҳволи туфайли сўнгги трансфер ойналарида эркин агентларни диққат билан кузатиб бормоқда.
"Атлетико Мадрид" ҳимоячиси Марио Эрмосо "Барселона"нинг радарида бўлиб турибди.
Испаниялик футболчининг шартномаси мавсум охирида тугайди ва янгилаш бўйича музокаралар яхши ўтмаяпти, бу эса "Барса"нинг қизиқишларини кучайтиргани ҳақидаги миш-мишларга сабаб бўлди.
Бироқ "Барселона" Эрмосони сотиб олиш учун ҳаракат қилмаяпти. Фабрицио Романонинг сўнгги маълумотларига кўра, "Барселона" ёзда Марио Эрмосони текинга қўлга киритиш бўйича келишув устида иш олиб бормаяпти. Бунга "Барса"даги керагидан ортиқ ҳимоячилар сабаб бўлгани айтилмоқда.
Романонинг таъкидлашича, "Атлетико" ва Эрмосо ўртасида янги шартнома борасида ҳали ҳеч қандай муваффақиятли натижа йўқ.
