Виктор Осимхен Премьер-лигада эмас, Франция чемпионатида ўйнашни афзал кўрмоқда.
Хабар қилинишича, "Наполи" форварди учун "Челси", "Арсенал" ва "ПСЖ" даъвогарлик қилмоқда. Il Mattino нашрининг хабарига кўра, нигериялик футболчининг "махфий орзуси" "ПСЖ" жамоасидир.
Шунингдек, Осимхеннинг жорий мавсумдаги формасини инобатга олган ҳолда унинг учун 120 миллион евро товон пули тўлашга ҳеч ким рози бўлиши даргумон.
Президент Аурелио Де Лаурентис ўтган ёзда ҳужумчини Саудия Арабистони клубига 130 миллион еврога сотишдан бош тортган эди. Бунга Яқин Шарқ терма жамоаси такомиллаштирилган таклиф юборишига умид боғланган эди, аммо бу амалга ошмади. Энди "Наполи" хўжайини 120 миллионга хурсанд бўлади.
Жорий Италия чемпионатида Осимхен 17 учрашувда 11 та гол урди
