Украина терма жамоаси ярим ҳимоячиси Александр Зинченко 2024 йилги Европа чемпионатига йўлланма ҳақида гапирди. Плей-офф босқичининг сўнгги ўйинида "сариқ-кўклар" Исландия устидан 2:1 ҳисобида иродали ғалабага эришди.
"Ақл бовар қилмайдиган туйғу. Мен жуда хурсандман, чунки яна бир орзум амалга ошди. Қўллаб-қувватлаган мухлисларимизга катта раҳмат. Улар ҳақиқатан ҳам барча қийинчиликларни енгиб ўтишимизга ёрдам беришди", — деди Зинченко ESPN нашрига.
Эслатиб ўтамиз, Европа чемпионати ёзда Германия футбол майдонларида бўлиб ўтади. Украина термасининг гуруҳ босқичидаги рақиблари Руминия, Словакия ва Бельгия терма жамоалари бўлади.
