"Барселона" ҳужумчиси Роберт Левандовски ёзги трансфер ойнасида жамоани тарк этиш ниятида эмас. Бу ҳақда журналист Флориан Плеттенберг хабар бермоқда.
Манба берган хабарга кўра, Левандовски "Барселона"да қолиш истагида бўлишига қарамай, саудиялик клублар ҳамон 35 ёшли форвардга қизиқиш билдиришмоқда.
Қолаверса, “Атлетико Мадрид” ҳам футболчини кузатиб бормоқда. Жорий мавсумда польшалик ҳужумчи барча турнирлар доирасида 39 та учрашувда иштирок этиб, 20 та гол урди ва 9 та голли узатмани амалга оширди.
Левандовскининг "Барселона" билан амалдаги шартномаси 2026 йилгача мўлжалланган. Transfermarkt портали маълумотларига кўра, футболчининг нархи 15 миллион еврога тенг.
