"Рома" ярим ҳимоячиси Леандро Паредес бош мураббий Даниэле де Росси билан ишлаш ҳақида гапирди.
Италиялик мутахассис январь ойи охирида ишдан бўшатилган Жозе Моуриньо ўрнига римликлар жамоасини қабул қилганди. Машҳур собиқ ярим ҳимоячи бошчилигида жамоа ажойиб натижаларга эришмоқда ва Чемпионлар лигаси йўлланмаси учун даъвогарлар рўйхатига қайтишга муваффақ бўлди.
"Ҳозир ўзимни яхши ҳис қиляпман ва жамоадаги ўрним аввалгидан кўра барқарорроқ. Де Росси билан ишлаш менга жуда кўп фойда келтиради. Ўйлайманки, унинг ўйин ҳақидаги қарашлари мен учун энг яхшиси. Мен кундан-кунга ўзимни кучлироқ ҳис қиляпман", деди 29 ёшли аргентиналик футболчи.
