"Тоттенхэм" ярим ҳимоячиси Пьер-Эмиль Хёйбьерг асосий таркибда ўрини йўқлигидан норозилиги ҳақида гапирди.
Даниялик футболчи “шпорлар” бош мураббийи Анже Постекоглунинг талабларига жавоб бермаяпти, шу сабабли у жорий мавсум бошидан буён жамоадаги ўрнини йўқотди. Айрим хабарларга кўра, ярим ҳимоячи ёзда клубини ўзгартиришга тайёр.
“Албатта, “Тоттенхэм”даги ҳолатимдан норозиман. Ҳеч кимга сир эмас, лекин мен шов-шув кўтармоқчи эмасман. Мураббийга у менга ишониши кераклигини исботлаш учун қўлимдан келганини қиляпман", - дея 28 ёшли футболчининг сўзларини келтиради Инсайдер Фабрицио Романо Tipsbladet нашрига таяниб.
Пьер-Эмил Хойберг жорий Премьер-лигада 27 та ўйинда майдонга тушди, бироқ булардан бор-йўғи 6 тасида асосий таркибда баҳсни бошлади.
