"Галатасарой" ҳужумчиси Дрис Мертенс ҳали бутсаларини михга илиш ниятида эмас.
36 ёшли футболчи фаолиятини якунлаш ҳақида ўйлаётган эди, бу ҳақида бу йил бошида маълум бўлганди. Бироқ, бельгиялик ҳозир тан олишича, кетиш яқин келажакда рўй бериши даргумон.
"Тўғрисини айтсам, қачон нафақага чиқишимни ҳали билмайман. Сўнгги ойларда бу ҳақда кўп ўйладим, лекин ҳали якуний қарор қабул қилингани йўқ. Ўйлайманки, яна камида бир йил ўйнайман. Нега йўқ? Ҳозир мен тез-тез майдонга тушаман, менга ҳамма нарса ёқади. "Галатасарой"да ўйнашда давом эта оламан ёки бошқа жойда ҳам пайдо бўлишим мумкин", - деди "Наполи"нинг собиқ ҳужумчиси Spox нашрига берган интервьюсида.
Дрис Мертенснинг "Галатасарой" билан шартномаси июнь ойида ниҳоясига етади.