"Ювентус" вингери Самуэль Илинг бўлажак трансфер ойнасида клубини ўзгартириши мумкин.
20 ёшли футболчи Массимилиано Аллегри жамоасида камдан-кам ўйин амалиётига эга бўлади, шу сабаб уни мавсум охирида сотиб юбориши мумкин. Инсайдер Фабрицио Романонинг сўзларига кўра, Илингга А Серия ва Англия Премьер-лигаси вакиллари аллақачон жиддий қизиқиш билдиришган. Инглизнинг яқин орада кетиши эҳтимолий сценарий сифатида қаралмоқда. Футболчининг “Ювентус” билан шартномаси 2025 йилда якунига етади, шартномани узайтириш бўйича музокаралар ҳозирча давом этмаяпти.
Самуэль ушбу мавсумда "Бьянконерилар" сафида 19 та ўйинда майдонга тушиб, битта гол ва иккита голли узатмани амалга оширди. Transfermarkt "Челси" тарбияланувчиси нархини 12 миллион еврога баҳоламоқда.
