"Барселона" ҳимоя чизиғининг ёш иқтидори Пау Кубарси ўтган март ойида Ла Лиганинг энг яхши ёш ўйинчиси деб топилди.
Бу ҳақда турнир матбуот хизмати хабар берди. Номинацияда фақат 23 ёшгача бўлган футболчилар иштирок этишди.
Кубарси эндигина 17 ёшда, аммо бу йигит жорий мавсумда "Барса" таркибида 13 та ўйинда майдонга тушди ва ҳаттоки Чемпионлар лигаси ўйинида ("Наполи"га қарши) ўйнаш имконига эга бўлди.
Умумий ҳисобда у учрашувларда битта голли узатмани амалга оширди.
Transfermarkt аллақачон "Барселона" тарбияланувчисини 25 миллион еврога баҳоламоқда.
