"Барселона" марказий ҳимоячиси Пау Кубарси клубдан янги шартнома бўйича таклиф олди.

Хабарингиз бор, “Барселона” жорий мавсумда асосий таркибдан жой олган 17 ёшли футболчининг ўйинидан мамнун. Инсайдер Фабрицио Романонинг янгиланган маълумотларига кўра, Каталония раҳбарияти аллақачон ўсиб бораётган юлдузга кутилганидек янги шартнома таклиф қилган. Кубарси "кўк-анорранглилар"нинг узоқ муддатли режаларининг муҳим қисми ҳисобланади. Футболчига маоши оширилган узоқ муддатли шартнома таклиф қилинган, товон пули 1 миллиард еврони ташкил қилади.

"Барселона" шартномани мавсум охиригача ёпишга умид қилмоқда. Пау Кубарси Каталония грандининг асосий таркибида 13 та ўйин ўтказган. Испания терма жамоасининг яқиндаги дебютантининг амалдаги шартномаси 2026 йилда якунига етади.