"Барселона" вингери Рафинья Диас "Лас-Пальмас"га қарши ўйинда (1:0) ғалаба қозонганидан сўнг журналистлар билан суҳбатлашди.

Бразилиялик футболчи ўйиндаги ягона голни 59-дақиқада меҳмонлар дарвозасига киритди. 27 ёшли футболчи дубль қайд этиши мумкин эди, бироқ унинг голи биринчи бўлимда бекор қилинди. Эътиборлиси, “Лас-Пальмас” 24-дақиқадан бошлаб озчиликда ўйнади.

“Биз чемпионлик учун курашни давом эттирамиз. Биз таслим бўлмаймиз. Ўйлайманки, бугун яхши ўйин ўтказдик. Тўғрисини айтсам, биринчи голим ҳисобланиши керак эди, деб ўйлайман. Ҳакам нима учун уни бекор қилганини билмайман”, - деди Рафинья ўйиндан кейин испан ОАВларига берган интервьюсида.