Мадриднинг “Реал” клуби вингери Винисиус Жуниор “Севилья”нинг чап қанот ҳимоячиси Маркос Акунья, андалусияликлар бош мураббийи Кике Санчес Флорес ва “Райо Мажадахонда” дарвозабони Чейк Саррни ушбу дам олиш кунларидаги ўйинларда ирқий ҳақоратга учраганидан сўнг қўллаб-қувватлади.
"Биргина шанба куни биз Испанияда учта очиқ ирқчилик ҳодисасига дуч келдик. Мен Акунья ва Кике Флоресни, шунингдек, Саррни тўлиқ қўллаб-қувватлайман.
Уларнинг жасорати бошқаларга илҳом берсин. Ирқчиларни топиш керак. Ўйинлар давом эттирилмаслиги керак.
Биз ирқчилар стадионларни тарк этиб, тўғри қамоқхонага – ўзлари муносиб бўлган жойга тушгандагина ғалаба қозонамиз, уларнинг жойи турмада", — деб ёзди Винисиус Х (собиқ Twitter) ижтимоий тармоғида.