Хави "Барселона"нинг Ла Лигадаги ғалаба учун курашга қайтиш истаги ҳақида гапирди.
"Барселона" кеча "Лас-Пальмас"ни мағлуб этди (1:0). Эндиликда Хави шогирдлари Ла Лига турнир жадвалида пешқадам "Реал"дан 5 очко ортда қолмоқда.
"Аввал биз "Кадис"ни мағлуб этишимиз керак ва бу осон бўлмайди. Биз ўзимиз ҳақимизда ўйлаймиз. Ла Лигада "Реал"га қарши курашмоқчимиз, аммо бу бизга боғлиқ эмас.
Умид қиламанки, биз "Реал"га босим ўтказдик. Келинг, улар қандай ўйнашларини кўриб чиқайлик. Умид қиламанки, фарқ қисқаради.
"Реал" "Атлетик"ни мағлуб этган тақдирда ҳам биз курашни давом эттирамиз. Улар билан ўйинимизгача ҳар куни шундай бўлади', - деди Хави.
13 апрель куни "Барселона" "Кадис", 21 апрелда эса "Реал Мадрид" меҳмони бўлади.
