Испаниялик мутахассис Пеп Гвардиола бошчилигидаги "Манчестер Сити" 58 ўйиндан сўнг илк бор ўз уй стадионида рақиблар дарвозасини ишғол эта олмади.
Англия Премьер-лигасининг 30-туридан ўрин олган марказий учрашувда "Манчестер Сити" ва Лондоннинг "Арсенал" клублари 0:0 ҳисобида дуранг ўйнади. Шу тариқа, "шаҳарликлар"нинг 57 ўйиндан иборат голли серияси ушбу учрашувда якунланди.
Эътиборли томони, ушбу серия 754 кун давом этди. Гвардиола шогирдлари охирги марта 2022 йили Чемпионлар лигаси 1/8 финали жавоб ўйинида Лиссабоннинг "Спортинг" жамоасига (0:0) қарши ўйинда гол ура олмаганди.
Айни вақтда "Манчестер Сити" 64 очко билан Англия чемпионати турнир жадвалида учинчи ўринда бормоқда. "Ливерпуль" 67 очко билан турнир жадвалида пешқадамлик қилмоқда. "Арсенал" 65 очко билан иккинчи ўринда.