"Барселона" вингер Рафинья Диас бўйича таклифларни тинглашга тайёр.
Каталония гранди молиявий қийинчиликларни бошдан кечирмоқда, шу сабабли улар келаётган ёзда баъзи футболчилар билан хайрлашишга мажбур бўлишлари мумкин. Сотиш учун номзодлардан бири - трансфер бозорида талаб юқори бўлган Рафинья. Transfer News Live хабарига кўра, "Барселона" агар мақбул таклифлар келиб тушса, бразилиялик футболчини сотишга тайёрлигини билдирган, бироқ 27 ёшли футболчининг ўзи жамоадан кетишни истамаяпти.
Transfermarkt портали Рафинья Диаснинг трансфер қийматини 50 миллион еврога баҳоламоқда. Миш-мишларга кўра, Саудия Арабистони чемпионати вакиллари футболчи учун тахминан 100 миллион евро тўлашга тайёр.
