"Интер" марказий ҳимоячиси Алессандро Бастони 22 апрель куни "Милан"га қарши ўйинда чемпионликни қўлга киритиш у учун қанчалик муҳим бўлишини айтди.

Эслатиб ўтамиз, "нерадзуррилар" айни дамда А Серияда пешқадамлик қилмоқда ва энг яқин таъқибчисидан 14 очко олдинда.

"Милан"га қарши ўйинда Скудеттони ютамизми? Йўқ, бизни фақат ғалаба факти қизиқтиради. Буни қаерда ва қачон қилишимиз муҳим эмас. Биз клуб ва мухлислар учун натижага эришмоқчимиз. Биз бундай имкониятга эга бўлганимиздан хурсандмиз ва фахрланамиз", — деди Бастони.

"Интер" сўнгги бор 2021 йилда Антонио Конте қўл остида чемпион бўлган.