"Арсенал" бош мураббийи Микель Артета марказий ҳимоячилар Уилям Салиба ва Габриэль Магальянс жуфтлигини юқори баҳолади. "Канонирлар" жорий мавсумда Англия Премьер-лигасида бор-йўғи 24 та гол ўтказиб юборишди, бу турнирдаги энг яхши кўрсаткич.
"Икки футболчи ўртасидаги тушуниш бор ва улар бир-бирини тўлдиришни бошлайдилар. Улар биргаликда ишлашдан жуда хурсанд. Қачонки уларнинг тушунчаси тўғри бўлса, ҳаммаси аъло даражада ишлайди", деди Артета матбуот анжуманида.
"Арсенал" ҳозирда АПЛ турнир жадвалида иккинчи ўринда бормоқда. Пешқадам “Ливерпуль” билан орадаги фарқ икки очкога тенг.
