"ПСЖ" бош мураббийи Луис Энрике мавсум охирида Париж клубини тарк этиши мумкин бўлган ва Францияда босим остида қолган ҳужумчи Килиан Мбаппе билан боғлиқ ҳозирги вазият ижобий якунланадими, деган саволга жавоб берди.
"Мен ҳамма нарса унинг учун ҳам, ҳамма учун ҳам яхши якунланишини истардим. Биз ҳаммамиз бир қайиқдамиз ва портга боришни хоҳлаймиз. Бу менинг шахсий ва профессионал мақсадим", - деди Энрике Mundo Deportivo билан суҳбатда.
Эслатиб ўтамиз, аввалроқ ОАВда Мбаппе "Реал" билан 2029 йилгача мўлжалланган шартнома имзолагани ҳақида маълумот пайдо бўлганди. Маълум бўлишича, ҳужумчи жамоадошлари ва "ПСЖ" мураббийлар штабига жорий мавсум якунида жамоани тарк этишини айтган.
Ўз навбатида, "Лос Бланкос" президенти Флорентино Перес Карло Анчелоттининг мураббийлар штабига Мбаппе "Реал Мадрид"нинг янги футболчисига айланиши ҳақида хабар берди.
