"Астон Вилла" бош мураббийи Унаи Эмери АПЛ доирасидаги "Манчестер Сити"га қарши сафар учрашувидан олдин Пеп Гвардиола ҳақида гапирди.
"Манчестер Сити" билан учрашув ҳар доим ҳаяжонли кечади. Барқарор бўлиш - бу менинг футболчиларим олдига қўйган вазифам.
Мен учун Гвардиола дунёнинг энг яхши мураббийи. Унинг Испания ва Англиядаги ишларига қараб, мен у кўплаб мураббийларга янгича ишлаш услубини берган ажойиб мураббий эканлигини тушунаман.
У жуда рақобатбардош. Энг яхши бўлиш учун фақат тактика етарли эмас. Шунингдек, ўйинчиларни бошқариш ва камтар бўлиш муҳимдир. У ҳаммасини ўзида кўрсатади", - деди Эмери матбуот анжуманида.
