Франциялик ҳимоячи Ферлан Менди меҳнат шартномаси тугагунига қадар "Реал"да қолишга тайёр. Бу ҳақда Todofichajes журналистлари хабар бермоқда.

Манбага кўра, латерал футболчи жамоанинг асосий таркибидан жой олиш кафолатланмаган тақдирда ҳам кейинги мавсумни "қироллик" клубида ўтказишга тайёр. Томонлар ўртасидаги амалдаги шартнома 2025 йилнинг ёзида якунига этади.

Испания чемпионатининг жорий мавсумида 28 ёшли ҳимоячи 20 та ўйинда майдонга тушиб, 5 та сариқ карточка олди. Ла Лиганинг 30-туридан сўнг мадридликлар 75 очко жамғариб, турнир жадвалида биринчи ўринда бормоқда.