"Челси"нинг ўнг қанот ҳимоячиси Рис Жеймс ўз жамоасида қолиш ниятида. Аввалроқ “кўклар” сардорига “Реал” қизиқаётгани, аммо инглиз футболчиси кетиш ниятида эмаслиги ҳақида хабар берилганди.
HITC хабарига кўра, "Челси" молиявий фейр-плей қоидаларига риоя қилиш учун катта миқдорда футболчиларни сотиши керак бўлиши мумкин. Мавсумни кўп жароҳатлар туфайли ўтказиб юборган Жеймс номзодлардан бири. Бироқ ўнг қанот ҳимоячиси "Челси"да бахтли ва кетишни истамаяпти.
Жеймс мавсумнинг қолган қисмида майдонга тушмаслиги мумкин, чунки футболчи ҳали ҳам тиззасидаги операциядан тузалиб кетмоқда. Рис Премьер-лиганинг ушбу мавсумида атиги 8 та ўйин ўтказа олди.
