Англиянинг "Астон Вилла" клуби янги ўнг қанот ҳимоячиси қидирмоқда. Журналист Николо Скиранинг ёзишича, ҳимоячини сотиб олиш ташаббуси жамоанинг спорт директори Рамон Мончидан чиққан.

Манба берган хабарга кўра, Бирмингем клуби айни дамда ўнг қанот ҳимояси учун учта номзодни кўриб чиқмоқда: "Наполи"дан Жованни ди Лоренцо, "Ювентус"дан Андреа Камбьясо ва "Торино"дан Рауль Белланова.

Рўйхатдаги вариантлардан қайси бири ёзги трансфер ойнасида "Астон Вилла" учун устувор бўлиши ҳозирча номаълум. Унаи Эмери шогирдлари айни дамда Англия Премьер-лигаси турнир жадвалида тўртинчи ўринни эгаллаб турибди.