"Манчестер Юнайтед" бош мураббийи Эрик тен Хаг жамоадаги кўп жароҳатлар ҳақида гапирди.
“Бизда нима бўлаётгани ҳақида тасаввуримиз бор ва биз бунинг устида ишлаймиз. Бу вазиятни жамоа ичида ҳал қиламиз", - дейди тен Хаг.
"Брентфорд"га қарши ўйинда жароҳат олган Рафаэль Варан тез орада майдонга қайтиши аввалроқ хабар қилинганди. Шунингдек, айни дамда Виктор Линдёлоф, Люк Шоу, Жонни Эванс, Тирелл Маласиа ва бошқа "қизил иблислар" ҳам жамоага қўшила олмайди.
Айни вақтда "Манчестер Юнайтед" 29 турдан кейин 48 очко билан Англия Премер-лигаси турнир жадвалида олтинчи ўринда бормоқда.
