"Манчестер Юнайтед" бош мураббийи Эрик тен Хаг ярим ҳимоячи Мейсон Маунт жамоа учун муҳим футболчига айланишига ишонч билдирди. Ёзда манкунианликлар англиялик учун 65 миллион евро тўлаган, бироқ футболчи ўзининг дебют голини фақат АПЛнинг сўнгги турида киритганди.
“Маунт кейинги қадамни ташламоқчи эди. Ишончим комилки, у келажакда "Манчестер Юнайтед" учун катта ўйинчи бўлади. "Челси" Мейсонни ўзида сақлаб қолмоқчи бўлган ва унга бир неча бор янги шартнома таклиф қилган. Бироқ, у бу ерга келиб, "Манчестер Юнайтед" футболчиси бўлишга аҳд қилди", - деди Тен Хаг матбуот анжуманида.
Маунт бугун ўзининг собиқ жамоаси "Челси"га қарши ўйнаш учун "Стемфорд Бридж"га боради.
