"Тоттенхэм" президенти Дениэль Левининг айтишича, клуб инвесторларни излашга мажбур, чунки инглиз жамоаси аввалроқ ўтган молиявий йилда йўқотишларни қайд этган.
“Узоқ муддатли салоҳиятимиздан фойдаланиш, жамоага сармоя киритишда давом этиш ва келажакдаги лойиҳаларни амалга ошириш учун клуб капиталини сезиларли даражада ошириш талаб этилади. Потенциал инвесторлар билан музокаралар олиб борилмоқда.
Мақсадимиз аниқ: олдинга интилиш ва клубни барқарор бошқариш. Бу бизнинг харажатларимизни қатъий назорат қилишни, тижорат ва ҳомийлик даромадларини оширишни ва Европа турнирларида давом этишни ўз ичига олади. Буларнинг барчаси бизнинг совринларни ютишимиз учун калитдир.
2019-йил апрель ойида стадион очилганидан бери биз эркаклар ва аёллар жамоаларимизнинг асосий таркибига 700 миллион евродан ортиқ сармоя киритдик”, — дея Левининг сўзларини келтиради The Guardian.
