"Челси"нинг собиқ ҳужумчиси Дидье Дрогба ирқий камситишларга қарши фаол курашаётган "Реал Мадрид" ва Бразилия терма жамоаси вингери Винисиус Жуниор ҳақида гапирди.
"Винисиус жасур бўлишда давом этиши керак, чунки ҳозирда ўзингни ҳимоя қилиш жуда муҳим.
Рацизмга глобаллашув, ижтимоий тармоқлар сабаб бўлади, нафратни қўзғатиш учун ўз мобил телефонларида улар яшириниб юради. Афсуски, бу борада кескин чоралар кўриш керак.
Ҳукуматлар бу жараёнда иштирок этиши ва ирқчилик ҳаракатларини жазолаши керак. ФИФА ва УEФА санкцияларни қўллаши мумкин, аммо штат ҳукуматлари чораларисиз бирор нарса қилиш қийин", - дея Дрогбанинг сўзларини келтирмоқда Mundo Deportivo.
