"Барселона" юлдузи Ламин Ямал кейинги мавсумда янги "Камп Ноу"да 10-рақамли футболкани кийиш у учун ғурур бўлишини айтди.
Mundo Deportivo нашрига берган интервьюсида ёш ҳужумчи "Барселона"даги амбицияларини рўёбга чиқариш ҳақида гапириб, унинг меҳнати эътироф этилаётгани уни жуда хурсанд қилишини таъкидлади.
"Бу рақам ҳозирда Ансу Фатига тегишли, лекин агар у бу ерда ўйнамаса, мен бу рақамни қабул қилиб олишга тайёрман ва бу ғурур манбайи бўлар эди.
"Барса"нинг 10-рақамини ҳар қандай ёш йигит орзу қилади. Лекин бу клуб раҳбарлари ҳал қилиши керак бўлган нарса", - деди Ямал.
