Каталониянинг "Барселона" клуби ижара асосида ўйнаётган ўнг қанот ҳимоячиси Жоау Канселуни ўз сафида сақлаб қолмоқчи.
Relevo хабарига кўра, "кўк-анорранглилар" португалиялик учун 30 миллион евро тўлашга тайёр, аммо "шаҳарликлар" 40-50 миллион талаб қилади.
Эслатиб ўтамиз, Канселунинг ўзи ҳам “Барселона”да қолишни истайди, аммо “Манчестер Сити” раҳбарияти ҳеч қандай чегирма қилмоқчи эмас.
Аввалроқ, «шаҳарликлар» футболчидан максимал пул олиш учун португалияликни Англия премьер-лигаси клубига сотишни афзал кўраётгани хабар қилинганди.
Канселуга Лондоннинг “Арсенал” клуби ва Саудия Арабистонидаги жамоалар қизиқиш билдирмоқда.
