Эрик тен Хаг Маркус Рэшфордни қўллаб-қувватлайди.

"Манчестер Юнайтед" ҳужумчиси АПЛ доирасидаги "Челси"га (3:4) қарши ўйинда асосий таркибдан жой олгани йўқ. Форвард учрашувнинг 66-дақиқасида захирадан майдонга тушди.

"Маркус форма жиҳатидан яхшиланмоқда. У жуда ғайратли, чунки у биз билан муваффақият қозонишни хоҳлайди.

У совринларни ютиб, гол уришни истайди. У Чемпионлар Лигаси йўлланмаси учун курашмоқчи, Европа чемпионати эса яқинлашиб қолди.

Шунинг учун унинг мотивацияси юқори бўлиши керак. "Брентфорд"га қарши ўйиндан олдин у учта ўйинда учта гол урган эди", - дейди "Манчестер Юнайтед" бош мураббийи.

Рэшфорд жорий мавсумда АПЛда 29 та ўйинда майдонга тушиб, 7 та гол урди ва 2 та голли узатмани амалга оширди.