"Реал Мадрид"нинг бельгиялик 31 ёшли дарвозабони Тибо Куртуа 19 март куни жамоа машғулотларида жароҳат олди. Унга ўнг тиззасидаги медиал мениск йиртилгани ташхиси қўйилган.
Бельгиялик посбон менискус операциясини муваффақиятли ўтказди. Дарвозабон жорий мавсумнинг қолган қисмини ўтказиб юбориши ва ёзга яқинроқ "Лос Бланкос" билан машғулотларни бошлаши кутилганди.
Бироқ, Тибо Ди Марцио билан суҳбатда унинг тикланиш жараёни бир неча баробар тезроқ эканлигини айтди:
"Ой охирида яна гуруҳ билан машғулот ўтказаман" - деди Куртуа.
Тибо 2023/24 йилги мавсум бошидан бери "Реал"да ўйнамади. Куртуа чап тиззасидаги олдинги хоч боғлами йиртилганидан тузалиб кетаётган эди. Агар 19 март куни янги жароҳат олмаганида, у яқин орада "Қироллик клуби"га қайтиши керак эди.
Эндиликда Испания пойтахти клубининг асосий дарвозабони украиналик Андрей Лунин ҳисобланади.
