Португалия терма жамоаси ва “Манчестер Юнайтед”нинг собиқ футболчиси Луиш Нани “қизил иблислар” вингери Алехандро Гарначо ҳақида фикр билдирди.
Нанининг таъкидлашича, Гарначо унга ўзини эслатади.
"Гарначо ўзимни эслатади. У ҳатто мен ўйнаган рақам 17 да ҳаракат қилади. Рақамни ўзгартиргандан сўнг гол ура бошлагани унга яхши. Алехандро ҳужум қилишдан, паслар беришдан, финтлар қилишдан қўрқмайди. У фантастик футболчига айлана оладиган яхши футболчи. Унинг ўйини Роналдуникидан кўра меникига ўхшайди", - дея Нани сўзларини келтиради Goal.com.
Гарначо Криштиану Роналдунинг мухлиси сифатида танилган ва кўп голларини португалиялик форвард услубида нишонлайди.
