"Брюгге" жорий мавсумда 50-учрашувини ўтказган Европанинг биринчи клуби бўлди. Бу биринчи апрель куни "Cеркль Брюгге"га қарши ўйинда содир бўлди. Эслатиб ўтамиз, ўйин дуранг билан якунланди - 1:1.
Ҳозирда "Брюгге" Бельгия чемпионати турнир жадвалида атиги учинчи ўринда, ғалаба қозониш имконияти эса унчалик катта эмас – "Сент-Жиллуаза" ва "Андерлехт" билан ўртадаги фарқ саккиз очкони ташкил этади.
Эслатиб ўтамиз, бир кун аввал "Брюгге" раҳбарияти машҳур Руд ван Нистелройни клуб мураббийлигига таклиф қилмоқчи экани ҳақида хабарлар тарқалган эди. Ўтган мавсумда у ПСВни бошқарган.
