"Торино" марказий ҳимоячиси Алессандро Буонджорнога Мадриднинг "Атлетико" клуби қизиқиш билдирмоқда.
"Милан" 24 ёшли футболчига асосий даъвогар саналади ва А Сериянинг яна бир топ клуби "Интер" ҳам уни диққат билан кузатиб бормоқда. DAZN хабарига кўра, "Атлетико" Буонжорно учун миланликлар билан рақобатлашишга тайёр. "Матрасчилар" жамоасининг бош мураббийи Диего Симеоне италиялик футболчини бозордаги устувор вариант деб ҳисоблайди.
Алессандро Буонжорно ушбу мавсумда "Торино" сафида 24 та ўйинда майдонга тушиб, 3 та гол ва 1 та голли узатмани амалга оширди. Шунингдек, марказий ҳимоячи Италия терма жамоасида учта ўйин ўтказди, жумладан, март ойида Венесуэла билан ўртоқлик учрашуви.
