"Барселона" ярим ҳимоячиси Илкай Гюндоган нега 16 ёшли Ламин Ямал ва 17 ёшли Пау Кубарсининг асосий таркибда муваффақият қозонаётганини тушунтирди.
“Менга ёш футболчилар Ямал ва Кубарси каби кўп ўйламасдан ўйнаши ва машғулот ўтказиши ёқади. Улар шунчаки майдонга чиқиб, ўзларини кўрсатишади, босим сезмайдилар, ҳеч нарсага парво қилишмайди. Шунинг учун улар муваффақиятга эришадилар - улар стрессга аҳамият бермайдилар.
16-17 ёшимда майдонга тушганимда асабийлашардим. Мен ўзимни ноқулай ҳис қилардим, хато қилишдан қўрқардим. Ҳозир бизга ёш футболчилар тақдим этаётган янгилик керак. Биз уларнинг жамоага қўшаётган ҳиссаси билан фахрланамиз", - дея 33 ёшли Гюндоганнинг сўзларини келтиради Barca Universal.
