"Манчестер Сити" ҳимоячиси Йошко Гвардиол Англияга кўчиб ўтгандан кейин биринчи мавсуми қандай ўтаётгани ҳақида гапирди.
Хорватиялик футболчи ўтган ёзда "шаҳарликлар" сафига "РБ Лейпциг"дан 90 миллион евро эвазига ўтган эди. Жорий мавсумда 22 ёшли футболчи Пеп Гвардиола жамоасида 31 ўйин ўтказиб, битта голли узатмани амалга оширган.
“Биз ҳар куни янги нарсаларни ўрганамиз. Шунинг учун мен бу ерга – ривожланиш ва совринлар ютиш учун келдим. Ҳар бир ўйин янги якун, янги жанг. Сиз тайёр бўлишингиз керак.
Бу мавсум мен учун жуда муҳим, мен янги вазифаларни бажаришни яхши кўраман. Албатта, талабларга мослашиш, жамоадошларимни яхшироқ тушуниш учун вақт керак. Асосан рақиб ярим майдонида ҳаракат қилиш мен учун янгиликдир", - дея Гвардиолнинг сўзларидан иқтибос келтиради "Манчестер Сити" матбуот хизмати.
