"Манчестер Сити" бош мураббийи Пеп Гвардиоланинг фикрича, унинг жамоаси энди хатога йўл қўймайди. Шанба куни амалдаги чемпионлар меҳмонда “Кристал Пэлас”га қарши баҳс олиб боришади, сешанба куни эса Чемпионлар лигасининг 1/4 финалида “Реал”га қарши сафар ўйини бўлиб ўтади.
"Агар биз Премьер-лигадаги рақибларимиздан 18 очко олдинда бўлганимизда, бор эътиборимизни "Реал"га қаратишимиз мумкин эди, аммо бу умуман ундай эмас. Биз учинчи ўриндамиз, юқоридан унча узоқ эмасмиз. Агар биз очко йўқотсак, лигада ғалаба қозониш деярли имконсиз бўлади, шунинг учун биз ғалаба қозонишимиз керак", деди Гвардиола.
