"Manchester Siti" bosh murabbiyi Pep Gvardiolaning fikricha, uning jamoasi endi xatoga yo‘l qo‘ymaydi. Shanba kuni amaldagi chempionlar mehmonda “Kristal Pelas”ga qarshi bahs olib borishadi, seshanba kuni esa Chempionlar ligasining 1/4 finalida “Real”ga qarshi safar o‘yini bo‘lib o‘tadi.
"Agar biz Premyer-ligadagi raqiblarimizdan 18 ochko oldinda bo‘lganimizda, bor e’tiborimizni "Real"ga qaratishimiz mumkin edi, ammo bu umuman unday emas. Biz uchinchi o‘rindamiz, yuqoridan uncha uzoq emasmiz. Agar biz ochko yo‘qotsak, ligada g‘alaba qozonish deyarli imkonsiz bo‘ladi, shuning uchun biz g‘alaba qozonishimiz kerak", dedi Gvardiola.
