"Барселона" вингери Ламин Ямаль жамоанинг Чемпионлар лигаси финалига чиқиш имкониятларини баҳолади.
"Плей-оффда ҳамма нарса тафсилотларга боғлиқ. Бир жамоа хатога йўл қўйса, иккинчиси ундан фойдаланади, лекин Чемпионлар лигасида биринчи навбатда катта шиддат билан ўйнаш керак.
"Барселона" финалга чиқа оладими? Ҳа, албатта. Ҳозир барча жамоаларда бир хил имкониятлар мавжуд. Биз “ПСЖ”ни мағлуб этишимиз керак, ярим финалда ҳамма нарса бўлиши мумкин”, — деди Ямаль Mundo Deportivo билан суҳбатда.
"Барселона" 10 апрель куни "ПСЖ"га қарши биринчи ўйинни меҳмонда ўтказади.
