"Арсенал" бу йилги АПЛ ўйинларида ҳали рақибга ҳисобда олдинга ўтиш имконини бермаган.
"Арсенал" АПЛнинг 32-турида "Брайтон"ни меҳмонда мағлуб этди (3:0).
“Канонирлар” 2024 йилда Премьер-лигада 11 та ўйин ўтказган ва уларнинг бирортасида ҳам ҳисобда ортда қолмаган.
Бу "Арсенал"нинг 2005 йилнинг февраль-май ойларидан буён энг яхши серияси - ўшанда кетма-кет 12 та ўйинда жамоа шундай натижа қайд этганди.
Мураббий Микель Артета шогирдлари айни дамда 71 очко билан Премьер-лига турнир жадвалида пешқадамлик қилмоқда ва "Ливерпуль" ва "Сити"дан бир очко олдинда. Мерсисайдликларни эртага ўйин кутмоқда.
