"Арсенал" ажойиб мавсумни ўтказмоқда. Шанба куни Микель Артета шогирдлари “Брайтон”ни меҳмонда 3:0 ҳисобида мағлуб этиб, мухлисларни яна бир бор хурсанд қилишди.
Айни пайтда "Арсенал" АПЛ турнир жадвалида биринчи ўринда бормоқда - жамоанинг ҳисобида 71 очко бор. “Ливерпуль” ва “Манчестер Сити” бир очко кам – 70 очкодан жамғарган.
"Арсенал" ушбу чемпионатда 75 та гол урди ва 24 та гол ўтказиб юборди. Сўнгги бор "канонирлар" Премьер-лигада деярли 19 йил олдин - 2004/2005 йилги мавсумнинг сўнгги тури натижаларига кўра +51 тўп фарқига эга бўлганди.
