"ПСЖ" ҳимоячиси ва сардори Маркиньос француз клубидаги келажаги ҳақида гапирди.
"Мен "ПСЖ"даги келажагимни кўраман. Бу шаҳар аллақачон мен учун уйга айланган. Мен жамоага ёрдам беришда давом этмоқчиман ва фаолиятимни охиригача шу ерда қолмоқчиман. Фаолиятимни "Парк де Пренс"да якунлаш ажойиб бўларди", - деди 29 ёшли бразилиялик футболчи Canal+ нашрига берган интервьюсида.
Эслатиб ўтамиз, марказий ҳимоячи парижликлар жамоасида 2013 йилнинг ёзидан буён тўп сурмоқда. Томонлар ўртасидаги амалдаги шартномаси 2027/2028 йилги мавсум охирида ўз ниҳоясига етади. Transfermarkt Маркиньоснинг нархини 55 миллион еврога баҳоламоқда.
