Мадриднинг “Реал” клуби бош мураббийи Карло Анчелотти марказий ҳимояда Антонио Рюдигернинг шериги ким бўлишини ҳали ҳал қилмади.
Сешанба куни "Лос-Бланкос" Чемпионлар лигаси чорак финалининг илк учрашувида "Манчестер Сити"ни қабул қилади.
Diario AS хабарига кўра, Анчелотти сўнгги дақиқагача Рюдигер билан биргаликда ҳимоя марказидан қайси футболчига жой беришни ҳал қилмоқчи эмас.
Италиялик мураббий сардор Начо Фернандес ва сўнгги ўйинларда марказий ҳимоячи сифатида ажойиб ўйин кўрсатган ярим ҳимоячи Аурелиен Тчуамени ўртасида танлов қилиб кўради.
