"Милан"нинг ҳужумкор ярим ҳимоячиси Кристиан Пулишич мавсумни сифатли ўтказмоқда. Шу фонда клуб америкалик футболчи келажаги борасида бир қарорга келди.
"Россонерилар" Пулишич билан шартномани яна бир мавсумга узайтириш вариантини фаоллаштиришга қарор қилди, деб ёзади Corriere dello Sport нашри. Вариантни фаоллаштиргандан сўнг, футболчининг шартномаси 2028 йилнинг ўрталаригача амал қилади.
2023/2024 йилги мавсумда Кристиан Пулишич турли мусобақаларда 41 та расмий ўйин ўтказди. Уларда 25 ёшли футболчи ўн учта гол ва саккизта голли узатмани амалга оширди. "Милан" айни дамда А Серияда иккинчи ўринда бормоқда.
